மகளிர் உரிமைத் திட்டத்தில் மீண்டும் விண்ணப்பிக்க இ சேவை மையத்தில் குவிந்த பெண்கள்..!

சத்தியமங்கலம் : கலைஞர் மகளிர் உரிமைத் திட்டத்தில் நிராகரிக்கப்பட்ட விண்ணப்பதாரர்கள் மீண்டும் விண்ணப்பிக்க ஈரோடு மாவட்டம் சத்தியமங்கலம் இ சேவை மையத்தில் திரண்டதால் பரபரப்பு ஏற்பட்டது. கலைஞர் மகளிர் உரிமைத் திட்டத்தில் நிராகரிக்கப்பட்ட பெண்கள் விண்ணப்பத்தின் நிலையை தெரிந்து கொள்ள இ சேவை மையத்திற்கு வந்தனர். பெண்கள் குடும்ப அட்டை எண்கள் மூலம் நிராகரிக்கப்பட்ட காரணத்தை தெரிந்து கொள்ள ஆர்வம் காட்டினர். பெரும்பாலான பெண்கள் மீண்டும் விண்ணப்பிக்கலாம் என்பதால் இ சேவை மையத்தில் பெண்கள் கூட்டம் அலை மோதியது. ஒரே நேரத்தில் பெண்கள் குவிந்ததால் இ சேவை மையத்தில் நீண்ட வரிசையில் நின்று விண்ணப்பித்தனர். சிலருக்கு கள ஆய்வில் நிராகரிக்கப்பட்டதாக தகவல் தெரிவிக்கப்பட்டது.