காலி குடங்களுடன் பெண்கள் சாலை மறியல்..!

கோவை சிவானந்தா காலனி 68 வது வார்டில் கடந்த 15 நாட்களுக்கு குடிநீர் வினியோகம் செய்யப்படவில்லை. இதனால் குடிநீர் கோரி காலி குடங்குடன் நேற்று சிவானந்தா காலனி சந்திப்பு பகுதியில் பெண்கள் சாலை மறியலில் ஈடுபட்டனர். இதனால் போக்குவரத்து பாதிக்கப்பட்டது.இது பற்றி தகவல் அறிந்ததும் மாநகராட்சி அதிகாரிகளும், போலீசாரும் சம்பவ இடத்துக்கு சென்று பேச்சு வார்த்தை நடத்தினார்கள். உடனடியாக குடிநீர் விநியோகம் செய்ய நடவடிக்கை எடுக்கப்படும் என்று அதிகாரிகள் உறுதி அளித்தனர். இதை தொடர்ந்து சாலை மறியல் போராட்டத்தை கைவிட்டனர்.