பைக் மீது வேன் மோதி வாலிபர் பரிதாப பலி..

கோவை மதுக்கரை பஜார் வீதியைச் சேர்ந்தவர் விஷ்ணு ( வயது 30 )நேற்று இவர் கருமத்தம்பட்டியை சேர்ந்த லட்சுமணன் ( வயது 25 ) என்பவருடன் பைக்கில் கோவை- பொள்ளாச்சி ரோட்டில் சென்று கொண்டிருந்தார். ரத்தினம் காலேஜ் அருகே சென்றபோது அந்த வழியாக வந்த ஒரு வேன் இவர்கள் சென்ற பைக் மீது மோதியது. இதில் பைக் ஒட்டிச் சென்ற விஷ்ணு படுகாயம் அடைந்து அதே இடத்தில் இறந்தார். பின்னால் இருந்த லட்சுமணன் படுகாயத்துடன் மதுக்கரையில் உள்ள தனியார் மருத்துவமனையில் சிகிச்சைக்காக சேர்க்கப்பட்டார். இது குறித்து கோவை மேற்கு பகுதி போக்குவரத்து புலனாய்வு போலீசில் புகார் செய்யப்பட்டது. இன்ஸ்பெக்டர் சரோஜா சம்பவ இடத்துக்கு சென்று விசாரணை நடத்தினார் . இது தொடர்பாக செல்வபுரம், எழில் நகரை சேர்ந்த வேன் டிரைவர் முகமத் சபிக் ( வயது 38) என்பவர் மீது வழக்கு பதிவு செய்யப்பட்டுள்ளது.