ஷிண்டே அணிக்கு அடுத்தடுத்து தாவும் உத்தவ் அணி எம்.பி., எம்.எல்.ஏ.க்கள்..!

மும்பை: மஹாராஷ்டிராவில் உத்தவ் தலைமையிலான சிவசேனா எம்.பி.க்கள் இருவர், 5 எம்.எல்.ஏ.க்கள் இன்று ஏக்நாத் ஷிண்டே தலைமையிலான சிவசேனா அணியில் சேர்ந்ததாக தகவல் வெளியாகியுள்ளது. மஹாராஷ்டிராவில் சிவசேனா கட்சியில் பிளவு ஏற்பட்டுள்ளது. இதில்உத்தவ் தாக்கரே தலைமையிலான சிவசேனா கட்சி சார்பில் இன்று தசரா பண்டிகை மும்பை மத்திய தாதர் பகுதியில் உள்ள சிவாஜி பார்க்கிலும், ஏக்நாத் ஷிண்டே தலைமையிலான சிவசேனா கட்சி சார்பில் பந்த்ரா குர்லா பகுதியிலும் கொண்டாடப்பட்டு வருகிறது. இந்த சூழ்நிலையில் உத்தவ் தலைமையிலான சிவசேனா கட்சி லோக்சபா எம்.பி. கிர்பால் துமானே மற்றொரு எம்.பி., மேலும் 5 எம்.எல்.ஏ.க்கள் ஏக்நாத் ஷிண்டே தலைமையிலான சிவசேனா அணியில் இணைந்ததாகவும், இது தொடர்பாக கடிதத்தை ஷிண்டேவிடம் வழங்கியதாகவும் தகவல் வெளியாகியுள்ளது. எம்.பி.க்கள், எம்.எல்.ஏ.க்கள் அணி மாறுவதால் உத்தவ் தாக்கரேவுக்கு பின்னடைவு ஏற்பட்டு வருகிறது.