திருவண்ணாமலை மாவட்டம் செங்கம் அடுத்த சாத்தனூர் வனப்பகுதியில் வனவிலங்கு வேட்டையாட சாத்தனூர் காப்பு காட்டில் மூன்று நாட்டு துப்பாக்கியுடன் சென்ற இருவரை சாத்தனூர் வனச்சரக அலுவலர் சீனிவாசன் தலைமையிலான வனத்துறையினர் மடக்கி பிடித்து கைது செய்துள்ளனர் .மேலும் தப்பி ஓடிய மூன்று பேரை தீவிரமாக தேடி வருகின்றனர்.
சாத்தனூர் வனப்பகுதியில் மான் , முயல், காட்டுபன்றி உள்ளிட்ட வனவிலங்குகளை மர்ம நபர்கள் வேட்டையாடி வருவதை தடுக்க சாத்தனூர் வனச்சரக அலுவலர் சீனிவாசன் தலைமையிலான வனத்துறையினர் தீவிர ரோந்து பணியில் ஈடுபட்டபோது சாத்தனூர் காப்பு காட்டில் ஐந்து பேர் கொண்ட கும்பல் நாட்டு துப்பாக்கியுடன் சுற்றி திரிவதை கண்டு அவர்களை துரத்தி பிடிக்க முயன்ற போது மல்லிகாபுரம் பகுதியை சேர்ந்த கதிர்வேல் மற்றும் ஊர்கவுண்டனூர் பகுதியை சேர்ந்த சம்பத் ஆகிய இருவரை கைது செய்துள்ளனர். மேலும் தப்பி ஓடிய ஊர்கவுண்டனூர் பகுதியை சேர்ந்த மகிழ் ,துரைசாமி மற்றும் குமார் ஆகிய மூன்று பேரை தேடி வருகின்றனர்.
கைது செய்யப்பட்ட இருவர் மீது வழக்குபதிவு செய்து விசாரனை மேற்கொண்டு வருகின்றனர்..