மொபட் மீது லாரி மோதல். மனைவியுடன் வியாபாரி சாவு.

கோவை,  அவிநாசி பக்கம் உள்ள கணியாம் பூண்டி, ஸ்ரீ சுரபி கார்டனை சேர்ந்தவர் வினோத்குமார் ( வயது 42 )இவரது மனைவி புஷ்பா ( வயது 38) இவர்களுக்கு ஸ்ரீ வைஷ்ணவி ( வயது 16)என்றமகளும்அஜய் ( வயது 14)இந்த மகனும் உள்ளனர். வினோத்குமார் கனியாம் பூண்டியில் பேன்சி ஸ்டோர் நடத்தி வந்தார். நேற்று காலை வினோத் குமாரும் அவரது மனைவி புஷ்பாவும் குழந்தைகளை வழக்கம்போல பள்ளிக்கு அனுப்பி விட்டு மங்கலத்தில் உள்ள கோவிலுக்கு சாமி கும்பிடுவதற்காக மொ பட்டில் சென்றனர். வஞ்சிபாளையம் மேம்பாலம் அருகே சென்றபோது எதிரே வேகமாக வந்த ஒரு லாரி வினோத்குமார் ஒட்டிச்சென்ற மொபட் மீது மோதியது .இதில் புஷ்பா அதே இடத்தில் உயிரிழந்தார். உயிருக்கு போராடிய வினோத்குமாரை அக்கம் ‘பக்கம் இருந்தவர்கள் மீட்டு அங்குள்ள தனியார் மருத்துவமனைக்கு அனுப்பி வைத்தனர். வழியில் அவரும் இறந்து விட்டார். இது குறித்து திருமுருகன் பூண்டி போலீசார் வழக்கு பதிவு செய்து 63 வேலம்பாளையத்தைச் சேர்ந்த லாரி டிரைவர் கைது செய்தனர் .அவரிடம் விசாரணை நடந்து வருகிறது.