பைக் மீது லாரி மோதி மெக்கானிக் சாவு.

தூத்துக்குடி மாவட்டம் இலுப்பையூர்ணியை சேர்ந்தவர் ஜெயச்சந்திரன். இவரது மகன் வினோத் (வயது 25) இவர் பல்லடம் பக்கம் உள்ள பி. வடுகபாளையம் பகுதியில் தங்கியிருந்து மெக்கானிக் வேலை செய்து வருகிறார். நேற்று இவர் செஞ்சேரி மலை பிரிவில் பைக்கில் சென்று கொண்டிருந்தார். அப்போது அந்த வழியாக வேகமாக வந்த லாரி அவரது பைக் மீது மோதியது. இதில் வினோத் தலையில பலத்த காயம் ஏற்பட்டது . சிகிச்சைக்காக பல்லடம் அரசு மருத்துவமனை எடுத்துச் சென்றனர். வழியில் அவர் இறந்துவிட்டார். இதுகுறித்து அவரது தாயார் மாரியம்மாள் சுல்தான்பேட்டை காவல் நிலையத்தில் புகார் செய்தார். இன்ஸ்பெக்டர் மாதையன் சம்பவ இடத்திற்கு விரைந்து சென்று விசாரணை நடத்தினார். இது தொடர்பாக லாரி டிரைவர் அர்ஜுனன் மீது வழக்கு பதிவு செய்யப்பட்டுள்ளது.