பெண்ணை கரண்டியால் குத்தி கொலை மிரட்டல். ஒருவர் கைது.

கோவை பெரியநாயக்கன்பாளையம் அருகே உள்ள பிரஸ்காலனி, சி.எஸ் ஜ. நகரை சேர்ந்தவர் அஜிஸ் தாஸ் .இவரது மனைவி ரேஷ்மா ( வயது 29) வீரபாண்டி பிரிவில் பிரியாணி கடை நடத்தி வருகிறார். நேற்று முன் தினம் இவரது கடைக்குச் சென்ற ஒருவர் சாப்பிட்டுவிட்டு பணம் கொடுக்காமல் வெளியே சென்றார். அவரிடம் பணம் கேட்டார் .அப்போது ஏற்பட்ட தகராறில் அந்த ஆசாமி ரேஷ்மாவை இரும்பு கரண்டியால் குத்தி விட்டு ஓடிவிட்டார். இதில் அவர் காயம் அடைந்தார். சிகிச்சைக்காக கோவை அரசு மருத்துவமனையில் சேர்க்கப்பட்டுள்ளார். இது குறித்து பெரியநாயக்கன்பாளையம் போலீசில் புகார் செய்யப்பட்டது.சப்-இன்ஸ்பெக்டர் மகாராஜா வழக்கு பதிவு செய்து பிரஸ் காலனி ,சீனிவாச நகர் சேர்ந்த அப்துல் ஹக்கீம் (வயது 45) என்பவரை நேற்று கைது செய்தார் .இவர் மீது பெண்கள் வன்கொடுமை தடுப்புச் சட்டம், கொலை மிரட்டல், உட்பட 4 பிரிவுகளில் வழக்கு பதிவு செய்யப்பட்டுள்ளது.