பஸ் ஸ்டாப்பில் நின்ற இளம் பெண்களை செல்போனில் படம் பிடித்த வாலிபர் கைது

கோவை இடையர்பாளையம் ரோட்டை சேர்ந்தவர் செந்தில்குமார் இவரது மகள் ஆனந்தி ( வயது 25) இவர் பீளமேடு பகுதியில் டைட்டில் பார்க்கில் நடந்த நேர்முகத் தேர்வில் கலந்து கொண்டு விட்டுபஸ் ஏறுவதற்காக தொட்டிபாளையம் பிரிவு பஸ் ஸ்டாப்பில் தனது தோழியுடன் நின்று கொண்டிருந்தார். அப்போது அங்கு வந்த ஒரு வாலிபர் தனது செல் போனில் ஆனந்தியையும்அவரது தோழியையும் படம் எடுத்தார். இதைஆனந்தி கண்டித் தார்.  இதனால் ஆத்திரமடைந்த அந்த வாலிபர் ஆனந்தியைதகாத வார்த்தைகளால் பேசி கொலை மிரட்டல் விடுத்து விட்டுதப்பி ஓடிவிட்டார் .இது குறித்து பீளமேடு போலீசில் புகார் செய்யப்பட்டது. இன்ஸ்பெக்டர் கந்தசாமி ,சப் இன்ஸ்பெக்டர் நஸ்ரின் ஆகியோர் வழக்கு பதிவு செய்து தொட்டிபாளையம் பிரிவு ,ஜெகதீஷ் நகரில் வசிக்கும் மகாலிங்கம் (வயது 30 )என்பவரை கைது செய்தனர் .இவர் ராமநாதபுரம் மாவட்டம் திருவாடனையை சேர்ந்தவர் ஆவார்.இவர் மீது பெண்கள் வன்கொடுமை தடுப்பு சட்டம் உட்பட 3 பிரிவின் கீழ் வழக்கு பதிவு செய்யப்பட்டுள்ளது.