கோவையில் கஞ்சா கடத்திய டீ மாஸ்டர் கைது..!

கோவை தடாகம் அருகே உள்ள கணுவாய் ரோட்டில் தடாகம் போலீஸ் இன்ஸ்பெக்டர் ஞானசேகரன் நேற்று இரவு திடீர் சோதனை நடத்தினார். அப்போது அங்கு சந்தேகப்படும் வந்து கொண்டிருந்த ஒருவரை பிடித்து சோதனை செய்தார். அவரிடம் 1100 கிராம் கஞ்சா மற்றும் பணம் ரூ 10 ஆயிரத்து 500 இருந்தது கண்டுபிடிக்கப்பட்டது. இவைகள் பறிமுதல் செய்யப்பட்டன. இது தொடர்பாக இதை கடத்தி வந்த மேகாலயாவை சேர்ந்த அஜய் பாஸ்பர் கைது செய்யப்பட்டார். இவர் பீளமேடு லட்சுமிபுரத்தில்,தங்கி இருந்து அங்குள்ள ஒரு ஓட்டலில் டீ மாஸ்டராக வேலை பார்த்து வருகிறார். இவரிடம் மேலும் விசாரணை நடந்து வருகிறது.