வியாபாரியிடம் கத்தி முனையில் பணம் வழிப்பறி – 2 கொள்ளையர் கைது..!

கோவை உக்கடம், கோட்டைமேடு ,பி. கே .செட்டி வீதியைச் சேர்ந்தவர் அகஸ்டின் ( வயது 40 ) பெட்டிக்கடை நடத்தி வருகிறார் .இவர் நேற்று பேரூர் ரோடு செட்டி வீதியில் உள்ள அம்பிகை மாரியம்மன் கோவில் வீதியில் அருகே நடந்து சென்றார் . அப்போது இவரை அங்கு நின்று கொண்டிருந்த 2 பேர் வழிமறித்தனர். கத்தியை காட்டி மிரட்டி சட்டை பையில் இருந்த 700 ரூபாயை கொள்ளையடித்தனர்.பின்னர் இருவரும் தப்பி ஓடிவிட்டனர். இது குறித்து அகஸ்டின் கடைவீதி காவல் நிலையத்தில் புகார் செய்தார் .இன்ஸ்பெக்டர் லதா வழக்கு பதிவு செய்து புளியகுளம் அம்மன்குளம் நியூ ஹவுசிங் யூனிட்டை சேர்ந்த சுபாஷ் (வயது 27) கோகுல்நாத் (வயது 27) ஆகியோரை நேற்றிரவு கைது செய்தார்.இவர்கள் மீது ஏற்கனவே கோவையில் பல்வேறு காவல் நிலையங்களில் ஏராளமான வழக்குகள் நிலுவையில் உள்ளன.