முன்னாள் முதலமைச்சர் டாக்டர் கலைஞரின் ஆறாம் ஆண்டு நினைவு தினம் அனுசரிப்பு

சூலூர் நகர திமுக சார்பில் மறைந்த முன்னாள் முதலமைச்சர் டாக்டர் கலைஞர் அவர்களின் ஆறாம் ஆண்டு நினைவு தினத்தை முன்னிட்டு சூலூர் அண்ணா சீரணி கலையரங்கில் அவரின் திரு உருவப்படத்திற்கு மலர் மாலை அணிவித்து மலர் அஞ்சலி செலுத்தப்பட்டது. முன்னதாக நகர கழக அலுவலகத்தில் இரங்கல் தீர்மானம் நிறைவேற்றப்பட்டு மௌனமாக பேரணியாக நடந்து வந்து மரியாதை செய்தனர். பேரணியில் திமுக தெற்கு ஒன்றிய செயலாளர், பேரூராட்சி தலைவர், துணைத் தலைவர், வார்டு உறுப்பினர்கள், திமுக நிர்வாகிகள், முன்னாள் நிர்வாகிகள், தொண்டர்கள், பொதுமக்கள் என திரளானோர் கலந்து கொண்டு அஞ்சலி செலுத்தினர்.