கோவையில் லாரி மோதி பள்ளிக்கூட ஆசிரியை பலி.

கோவை ரத்தினபுரியை சேர்ந்தவர் அனிதா (வயது 45) இவர் குனியமுத்தூரில்உள்ள நிர்மலா மாதா பள்ளிக்கூடத்தில் ஆசிரியையாக பணியாற்றி வந்தார்.இன்று காலையில் பள்ளிக்கூடம் செல்வதற்காக ஸ்கூட்டரில் உக்கடம் லாரி பேட்டை பகுதியில் சென்று கொண்டிருந்தார்.அப்போது அந்த வழியாக வேகமாக வந்த ஒருடிப்பர் லாரி இவரது ஸ்கூட்டர் மீது மோதியது. இதில் படுகாயம் அடைந்த அனிதா அதே இடத்தில் பலியானார்.உடனே லாரி டிரைவர் லாரியை நிறுத்திவிட்டு தப்பி ஓடிவிட்டார்.இது குறித்து போக்குவரத்து புலனாய்வு போலீசார் வழக்கு பதிவு செய்து விசாரணை நடத்தி வருகிறார்கள்.