சாலையை கடக்கும் போது வேன் மோதி சலூன் கடைக்காரர் பலி..

கோவை அருகே உள்ள கருமத்தம்பட்டி கிட்டாம்பாளையத்தை சேர்ந்தவர் ஈஸ்வரன் (வயது 39) சவரத் தொழிலாளி இவர் அன்னூர் -கருமத்தம்பட்டி ரோட்டில்உள்ளராயர் பாளையத்தில் சலூன் கடை வைத்துள்ளார்.நேற்று கடைக்கு முன் ரோட்டை கடந்தார்.அப்போது அந்த வழியாக வந்த ஒரு வேன் இவர் மீது மோதியது. இதில் ஈஸ்வரன் படுகாயம் அடைந்தார். அவரை சிகிச்சைக்காக கோவை அரசு மருத்துவமனை எடுத்துச் சென்றனர். வழியில் அவர் இறந்து விட்டார் . இது குறித்து அவரது மனைவி ஆரோக்கியமேரி கருமத்தம்பட்டி போலீசில் புகார் செய்தார். இன்ஸ்பெக்டர் ராஜதுரை சம்பவ இடத்துக்கு சென்று விசாரணை நடத்தினார். வேன் டிரைவர் சரவணகுமார் மீது வழக்கு பதிவு செய்யப்பட்டுள்ளது.