டாஸ்மாக் பாரில் மது குடிக்க சென்றவரிடம் பணம் கொள்ளை. 7பேர் கைது.

கோவை உக்கடம் கெம்பட்டி காலனி அவுசிங் யூனிட்டை சேர்ந்தவர் சுரேஷ்குமார் (வயது 45 )இவர் நேற்று உக்கடம் – பேரூர் பைபாஸ் ரோட்டில் உள்ள டாஸ்மாக் பாருக்கு மது அருந்த சென்றார். அப்போது அங்கு நின்று கொண்டிருந்த 7 பேர்இவரிடம் மது குடிக்க பணம் கேட்டனர். இவர் கொடுக்க மறுத்ததால், மிரட்டி அவரிடம் இருந்த 1, 500 ரூபாயை கொள்ளை அடித்தனர்..சுரேஷ்குமார் சத்தம் போட்டார்.அதற்குள் 7பேரும் அங்கிருந்து தப்பி ஓடிவிட்டனர்.இது குறித்து கடைவீதி காவல் நிலையத்தில் புகார் செய்யப்பட்டது. இன்ஸ் பெக்டர் ராஜ்குமார் வழக்கு பதிவு செய்து உக்கடம் ராமர் கோவில் வீதியைச் சேர்ந்த சூரிய பிரகாஷ் (வயது 27) புலியகுளம், ஆறுமுகம் வீதியை சேர்ந்த சதீஷ் (வயது 26) சவுரி பாளையம் உடையாம்பாளையம் ரோடு செல்வராஜ் ( வயது 23) தெற்கு உக்கடம் புல்லுக் காடு கமலேஸ்வரன் (வயது 23) முகமத் ( வயது 25) விக்கிர மார்த்தாண்டம் (வயது 24) வின்சென்ட் ரோடு மோகன் குமார் ( வயது 38) ஆகியோரை கைது செய்தார்..பணம் பறிமுதல் செய்யப்பட்டது.