கத்தியை காட்டி மிரட்டி மாணவரிடம் கொள்ளை . 3 பேருக்கு வலை.

கோவை; கோவை அருகே உள்ள காளப்பட்டி, தொட்டிபாளையம் பிரிவு, ஜெகதீஷ் நகரை சேர்ந்தவர் செந்தில் குமார், இவரது மகன் சிவதாசன் ( வயது 19) கோவையில் உள்ள ஒரு தனியார் கல்லூரியில் டி. இ.சி.இ – 2-ம் ஆண்டு படித்து வருகிறார். இவர் நேற்று தனது நண்பருடன் இருசக்கர வாகனத்தில் ஆவாரம்பாளையம் காமதேனு நகர், ரயில்வே பாலம் அருகில் சென்று கொண்டிருந்தார். அப்போது அவரை அடையாளம் தெரியாத 3 பேர் வழிமறித்தனர். கத்தியை காட்டி மிரட்டி அவரிடம் இருந்த செல்போன், வெள்ளி செயின், ஆகியவற்றை கொள்ளடித்து விட்டு தப்பிசென்று விட்டனர். இது குறித்து பீளமேடு போலீசில் சிவதாசன் புகார் செய்தார். இன்ஸ்பெக்டர் தமிழரசுவழக்கு பதிவு செய்து 3பேரை தேடி வருகிறார்.