கோவை: பா.ஜ.க. மாநில தலைவர் அண்ணாமலை சென்னையில் கைது செய்யப்பட்டதை கண்டித்தும், அவரை விடுதலை செய்யக் கோரியும் கோவை காந்திபுரம் ஆர்.வி.ஒட்டல், ரவுண்டானா அருகே நேற்று மாலை பாஜகவினர் திடீர் மறியல் போராட்டம் நடத்தினார்கள் .இந்த போராட்டத்திற்கு பா.ஜ.க. மாவட்ட தலைவர் பாலாஜி உத்தம ராமசாமி தலைமை தாங்கினார் .இவர்கள் ரோட்டில் அமர்ந்து கோஷங்கள் எழுப்பினார்கள். இதனால் போக்குவரத்து பாதிக்கப்பட்டது .இதையடுத்து மறியலில் ஈடுபட்ட பாலாஜி உத்தம ராமசாமி உட்பட 257 பேர் கைது செய்யப்பட்டனர்.இவர்களில் 28 பேர் பெண்கள் ஆவர்கள்.இவர்கள் மீது காட்டூர் போலீஸ் இன்ஸ்பெக்டர் லதா 2 பிரிவுகளின் கீழ் வழக்கு பதிவு செய்துள்ளார்.
அண்ணாமலை கைதை கண்டித்து கோவையில் சாலை மறியல் – பா.ஜ .க .வினர் 257 பேர் கைது..!
