திண்டுக்கல் காந்திகிராம பல்கலைக்கழகத்தில் 36-வது பட்டமளிப்பு விழா மற்றும் காந்திகிராமம் நிறுவனத்தின் பவளவிழா நடைபெற உள்ளது.
இந்த விழாவில் பிரதமர் நரேந்திர மோடி கலந்து கொண்டு மாணவர்களுக்கு பட்டங்களை வழங்கி சிறப்புரை ஆற்றுகிறார். மேலும் இந்த விழாவில் தமிழக ஆளுநர் ஆர்.என். ரவி, முதல்வர் ஸ்டாலின், ஒன்றிய அமைச்சர்கள் தர்மேந்திர பிரதான், எல்முருகன் ஆகியோர்கள் கலந்து கொள்ள உள்ளனர். இதனையடுத்து பிரதமர் வருகை முன்னிட்டு ஒரு வாரமாக திண்டுக்கல் மாவட்ட ஆட்சியர் விசாகம், காவல்துறை கண்காணிப்பாளர் பாஸ்கரன் மற்றும் வருவாய் துறையினர், போலீசார் பல்கலைக்கழகத்தில் முகாமிட்டு விழா ஏற்பாடுகளை பார்வையிட்டு வருகின்றனர்.
இதற்கிடையில் நேற்று ஒன்றிய பாதுகாப்பு படையினர் மற்றும் ஒன்றிய அரசு துறை அதிகாரிகள் காந்திகிராம வந்தனர். அவர்கள் பிரதமர் வந்து இறங்கும் ஹெலிகாப்டர் இறங்கும் தளம், கார் மூலமாக பல்கலைக்கழகம் செல்லும் வழித்தடமான மதுரை, திண்டுக்கல் நான்கு வழிச்சாலை, பட்டமளிப்பு விழா நடைபெறும் அரங்கம் மற்றும் வாகனங்கள் நிறுத்துமிடம் ஆகியவற்றில் பார்வையிட்டு ஆய்வு செய்தனர். மேலும் பிரதமர் மோடி வருகையை முன்னிட்டு திண்டுக்கல் முழுவதும் 4000 போலீசார் குவிக்கப்பட்டுள்ளனர் என்று தெரிவிக்கப்பட்டுள்ளது.