இருசக்கர வாகனம் மோதி ஒருவர் சாவு.

கோவை தடாகம் பக்கம் உள்ள நஞ்சுண்டாபுரம் ராமநாதபுரத்தைச் சேர்ந்தவர் முத்துசாமி  ( வயது 51 ) . இவர் நேற்று மேட்டுப்பாளையம் – ஊட்டி ரோட்டில் பிளாக் தண்டர் அருகே ரோட்டை கடந்தார். அப்போது அந்த வழியாக வந்த இருசக்கர வாகனம் இவர் மீது மோதி விட்டு நிற்காமல் சென்று விட்டது .இதில் முத்துசாமி படுகாயம் அடைந்தார். அவரை சிகிச்சைக்காக மேட்டுப்பாளையம் அரசு மருத்துவமனைக்கு எடுத்துச் சென்றனர். வழியில் அவர் இறந்து விட்டார். இது குறித்து அவரது மனைவி சாவித்திரி மேட்டுப் பாளையம் போலீசில் புகார் செய்தார். இன்ஸ்பெக்டர் சின்ன காமணன் சம்பவ இடத்துக்கு சென்று விசாரணை நடத்தினார். விபத்து ஏற்படுத்தி விட்டு நிற்காமல் சென்ற இரு சக்கர வாகனத்தை தேடி வருகிறார்.