அதிமுக சார்பில் பேரறிஞர் அண்ணாதுரையின் 116 வது பிறந்த நாள் விழா,எஸ்பி. வேலுமணி பங்கேற்பு

கோவை அஇஅதிமுக கட்சி சார்பில் பேரறிஞர் பெருந்தகை அண்ணாத்துரையின் 116வது பிறந்த நாள் விழா கொண்டாப்பட்டது , இதில் கட்சி அலுவலகமான இதயதெய்வம் மாளிகையில் அண்ணாத்துரை திருஉருவ படத்திற்கு மலர்களால் அலங்கரிக்கபட்டு இருந்த படத்திற்கு தொண்டாமுத்தூர் சட்டமன்ற தொகுதி உறுப்பினரும், அஇஅதிமுக வின் அமைப்புச்செயலாளரான எஸ்பி வேலுமணி மலர் தூவி மரியாதை செய்து வணங்கினார். முன்னதாக தேமுதிக கட்சியின் இளைஞர் செயலாளரும் விஜயகாந்த் மகனான விஜயபிரபாகன் அதிமுக கட்சி அலுவலகத்திற்கு கட்சியினருடன் வருகை தந்தார் அவரை கட்சியினருடன், எஸ்பி.வேலுமணி சால்வை அணிவித்து வரவேற்றார், தொடர்ந்து அவரையும் அழைத்து கொண்டு கட்சியினர்களுடன் ஊர்வலமாக நடந்து சென்று அவினாசி சாலையில் உள்ள அண்ணா துரையின் முழு உருவச்சிலைக்கு ஆள் உயர மாலை அணிவித்து மரியாதை செய்தனர், அதே போன்று எம்ஜிஆர், ஜெயலலிதா சிலைக்கும் மலர் மாலை அணிவித்து மரியாதை செய்து அவரது புகழை கூறி கட்சியினர் கோஷம் எழுப்பி வணங்கினர், தொடர்ந்து கட்சியினருக்கு இனிப்புகள் வழங்கினார்கள், இதில் கோவை மாவட்ட எம்எல்ஏகள் ஜெயராமன், அம்மன் அர்ஜுனன், மற்றும் செமா. வேலுச்சாமியுடன் கட்சியின் பல்வேறு பொறுப்பாளர்கள், மாவட்ட, ஒன்றிய,பகுதி, வார்டு கழக நிர்வாகிகள், உறுப்பினர்கள் பங்கேற்றனர்.