பைக் மோதி மூதாட்டி சாவு

கோவை அருகே உள்ள குனியமுத்தூர் முத்துசாமி சேர்வை வீதியை சேர்ந்தவர் ஜனார்த்தனன். இவரது மனைவி குமுதா ( வயது 62) இவர் நேற்று குனியமுத்தூர் பாலக்காடு ரோட்டில் உள்ள விஜயலட்சுமி மில் பஸ் ஸ்டாப் அருகே ரோட்டை கடந்தார். அப்போது அந்த வழியாக வேகமாக வந்த ஒருபைக் இவர் மீது மோதியது. இதில் குமுதா படுகாயம் அடைந்தார். அவரை சிகிச்சைக்காக கோவை அரசு மருத்துவமனைக்கு எடுத்துச் சென்றனர். வழியில் அவர் இறந்து விட்டார். இது குறித்து மேற்கு பகுதி போக்குவரத்து புலனாய்வு போலீசில் புகார் செய்யப்பட்டது. இன்ஸ்பெக்டர் ராஜ்குமார் வழக்கு பதிவு செய்து விசாரணை நடத்தி வருகிறார்.