வேலூர் மாவட்டத்தில் அமைய உள்ள மினி டைடல் பூங்காவிற்கு தமிழக முதல்வர் மு.க ஸ்டாலின் இன்று அடிக்கல் நாட்டுகிறார்.
சென்னை தலைமைச் செயலகத்தில் இருந்து காணொளி வாயிலாக இன்று காலை 11 மணியளவில் முதலமைச்சர்.மு.க ஸ்டாலின் அடிக்கல் நாட்டவுள்ளார்.
தமிழகத்தில் தொழில், முதலீடு ஊக்குவிப்பு மற்றும் வர்த்தகத் துறை சார்பில் வேலூரில் மினி டைட்டில் பார்க் பூங்கா அமைக்கப்பட உள்ளது.
அதேபோன்று ஓசூர் சிப்காட் தொழில் பூங்காவில் நிறுவப்பட உள்ள ஐநாக்ஸ் ஏர் ப்ராடக்ட்ஸ் நிறுவனத்தின் தூய்மையான திரவ மருத்துவ ஆக்சிஜன் உற்பத்தி ஆலை மற்றும் ஜிஎக்ஸ் குழுமத்தின் ஆராய்ச்சி மற்றும் மேம்பாட்டு மையம் ஆகியவற்றை காணொளி வாயிலாக முதல்வர் மு.க ஸ்டாலின் இன்று காலை திறந்து வைக்கிறார்.
அதே போன்று தமிழ்நாடு அரசு மற்றும் ஓலா எலக்ட்ரிக மொபிலிட்டி பிரைவேட் லிமிடெட் நிறுவனத்திற்கும் இடையே நான்கு சக்கர மின்சார வாகனங்கள் உற்பத்தி மற்றும் 20 ஜிகாவாட் மின்கலன்கள் உற்பத்தி திறன் கொண்ட ஆலைகளை அமைப்பதற்கான புரிந்துணர்வு ஒப்பந்தம் முதல்வர் மு.க ஸ்டாலின் முன்னிலையில் இன்று கையெழுத்தாக உள்ளது.