ஆண்டுதோறும் ஏப்ரல், மே மாதம் அனைத்து பகுதிகளில் உள்ள கோவில்களில் திருவிழா நடைபெறுவது வழக்கம். இந்நிலையில் கோவையில் உள்ள அனைத்து வார்டு பகுதிகளிலும் உள்ள கோவில்கள் திருவிழா கொண்டாட்டங்கள் நடைபெற்று வருகிறது. கோவை உடையாம்பாளையம் பகுதியில் உள்ள மாரியம்மன் கோவில் திருவிழாவை முன்னிட்டு அங்கு பக்தர்களுக்கு அன்னதானம் வழங்கப்பட்டது. அந்த அன்னதானத்திற்கு ஏற்பாடு செய்த வருத்தப்படாத வாலிபர் சங்கத்தை சேர்ந்த இளைஞர்களை அப்பகுதியில் உள்ள பாரத மாதா நற்பணி மன்ற உறுப்பினர்கள் வாழ்த்து தெரிவித்து பாராட்டியும் பொது மக்களுக்கு அன்னதானத்தை வழங்கினார்.
வருத்தப்படாத வாலிபர் சங்கத் திரைப்படத்தில் பொதுமக்களுக்கு நடிகர் பரோட்டா சூரி மற்றும் சிவகார்த்திகேயன் அப்பகுதி மக்களிடம் நகைச் சுவையாக பேசும் காட்சிகள் அனைவரும் மனதிலும் இடம் பெற்றது. அதே போன்று இப்பகுதியில் உள்ள மக்களிடம் அன்னதானம் ஏற்பாடு செய்த சங்கத்தினர் பொதுமக்களின் மனதில் இடம் பிடித்தனர் என்பது குறிப்பிடத்தக்கது.