கோவை கடைவீதி போலீஸ் சப் இன்ஸ்பெக்டர் கோமதி நேற்று செட்டி வீதியில் உள்ள டாஸ்மாக் கடை அருகே திடீர் சோதனை நடத்தினார் .அப்போது இரவு 10 மணிக்கு மேல் மது பாட்டில் பதுக்கி வைத்து விற்பனை செய்ததாக நாகநாதன் ( வயது 40 )கைது செய்யப்பட்டார். 44 மதுபாட்டில்களும், பணம் ரூ 3900 பறிமுதல் செய்யப்பட்டது.
இதேபோல சிங்காநல்லூர் காமராஜர் ரோட்டில் உள்ள டாஸ்மாக் கடை அருகே குறிப்பிட்ட நேரம் தவிர மற்ற நேரங்களில் மது விற்றதாக சியாம் சுந்தர் (வயது29) கைது செய்யப்பட்டார். 12 மதுபாட்டில் பறிமுதல் செய்யப்பட்டது.
ஆவராம்பாளையம் பகுதியில் உள்ள டாஸ்மாக் கடை அருகே மதுவிற்றதாக மனோஜ் (வயது 52) கைது செய்யப்பட்டார். இவரிடமிருந்து 12 பாட்டில் பறிமுதல்செய்யப்பட்டது. ஆவாரம்பாளையத்தில் உள்ள டாஸ்மாக் கடை அருகே நடந்த சோதனையில் மதி ரவி ( வயது 39) கைது செய்யப்பட்டார். 11 பாட்டில் கைப்பற்றப்பட்டது.
பேரூர் ரோட்டில் உள்ள டாஸ்மாக் கடையில் நடந்த சோதனையில் 12 பாட்டில்கள் பறிமுதல் செய்யப்பட்டது.. மற்றொரு கடையில் நடந்த சோதனையில் சுதாகர் (வயது 27) ,கைது செய்யப்பட்டார். 10 மதுபாட்டில் பறிமுதல் செய்யப்பட்டது.