விநாயகர் சதுர்த்தி விழா நாளை வெகு சிறப்பாக கொண்டாடப்பட உள்ளது விநாயகர் சதுர்த்தியை முன்னிட்டு வீடுகள் மற்றும் கோவில்களில் விநாயகர் சிலைகளை பிரதிஷ்டை செய்து மக்கள் வழிபாடு செய்வார்கள் அந்த வகையில் வீடுகள் மற்றும் ஆலயங்களில் பிரதிஷ்டை செய்வதற்கான விநாயகர் சிலைகள் தூத்துக்குடியில் விறுவிறுப்பாக விற்பனை செய்யப்பட்டுவருகின்றது.
கடந்த இரண்டு ஆண்டுகளாக கொரோனா வைரஸ் தொற்று பரவல் காரணமாக விநாயகர் சதுர்த்தி விழா நடைபெறாததால் சிற்ப கலைஞர்கள் வேதனையில் இருந்து வந்த நிலையில், இந்த ஆண்டு விநாயகர் சதுர்த்தி விழா நாளை நாடு முழுவதும் கொண்டாடப்பட உள்ள நிலையில் விநாயகர் சதுர்த்திகான சிலைகளை சிற்பக் கலைஞர்கள் உற்சாகத்துடன் வடிவமைத்து வர்ணம் பூசி விற்பனையில் ஈடுபட்டு வருகின்றனர்.
இந்நிலையில் திருப்பூர் மாவட்டம் உடுமலைப்பேட்டை அருகே உள்ள பூளவாடி கிராமத்தைச் சேர்ந்த ரஞ்சித் என்பவர் மண் சிற்பங்களை செய்து வருகிறார் ரஜினிகாந்தின் தீவிர ரசிகரான இவர் விநாயகர் சதுர்த்தி தினத்தையும் சமீபத்தில் ரஜினியின் பர்ஸ்ட் லுக் போஸ்ட் ஆன ஜெயிலர் ஆகியவை இணைத்து ரஜினி உடலில் விநாயகர் தலை பொருத்திய களிமண் சிற்பத்தை வடிவமைத்துள்ளார். இந்த ரஜினி பிள்ளையார் இணையத்தில் வைரலாகிவருகிறது.