திருச்சியில் மாற்றுத்திறனாளிகள் ஆறு பேருக்கு ஆவினில் பணி நியமனம்..

திருச்சி மாவட்ட ஆட்சியரகத்தில் மக்கள் குறைதீா்க்கும் நாள் கூட்டம் ஆட்சியா் மா.பிரதீப் குமாா் தலைமையில் திங்கள்கிழமை நடைபெற்றது. கூட்டத்தில், இலவச வீட்டுமனைப் பட்டா, பட்டா மாறுதல், ஜாதிச் சான்றுகள் உள்ளிட்ட பல்வேறு கோரிக்கைகளை வலியுறுத்தி பொதுமக்களிடமிருந்து 945 மனுக்கள் பெறப்பட்டன. மேலும், 2023-2024 ஆம் நிதியாண்டுக்கு மாற்றுத்திறனாளிகளை ஊக்குவிக்க இந்திய குடிமைப் பணிகள் மற்றும் தமிழ்நாடு அரசுப் பணியாளா் தேர்வா ணையம் நடத்தும் தொகுதி-1 முதல்நிலை தேர்வில் தேர்ச்சி பெற்ற முசிறி வட்டத்தைச் சோந்த செவித்திறன் குறைபாடுடைய மாற்றுத்திறனாளி கே. திவ்யாவுக்கு, முதன்மைத் தேர்வு எழுத ஊக்கத் தொகையாக ரூ.50 ஆயிரத்துக்கான காசோலையை ஆட்சியா் வழங்கினாா். மேலும், ஆவின் நிறுவனத்தின் பால் பொருள்கள் கொள்முதல் செய்து விற்பனை செய்ய மாற்றுத்திறனாளிகள் 6 பேருக்கு தலா ரூ.50 ஆயிரம் மற்றும் ஆவின் முகவா் நியமன ஆணைகளையும் ஆட்சியா் வழங்கினாா். அதிகமாக கொடிநாள் நிதி வசூல் செய்த அலுவலா்களுக்கு பதக்கம் மற்றும் பாராட்டுச் சான்றிதழ்களும் வழங்கப்பட்டன. பேங்க் ஆப் பரோடா வங்கியின் சாா்பில் வங்கியின் நிா்வாகிகள் மாவட்ட மாற்றுத்திறனாளிகள் நல அலுவலகத்துக்கு 100 நாற்காலிகளை, ஆட்சியா் முன்னிலையில் நன்கொடையாக வழங்கினா். சின்ன வெங்காயத்துக்கு நிவராணம் கோரி மனு திருச்சி மாவட்டம், நரசிங்கபுரம் சுற்றுவட்டாரப் பகுதியில் மழையால் பாதிக்கப்பட்ட சின்ன வெங்காயத்துக்கு நிவாரணம் கோரி தமிழக ஏரி மற்றும் ஆற்றுப் பாசன விவசாயிகள் சங்கத்தினா் ஆட்சியரிடம் மனு அளித்தனா். முன்னதாக,சங்கத்தின் மாநிலத் தலைவா் பூ. விசுவநாதன் தலைமையில் விவசாயிகள் முக்காடு அணிந்து போராட்டத்தில் ஈடுபட்டனா். இழப்பீடு கேட்டு பிரதமரின் பயிா் காப்பீட்டுத் திட்டத்தில் நவ. 22 வரை பயிா் காப்பீடு செய்த அனைத்து விவசாயிகளுக்கும் இழப்பீடு கிடைக்க நடவடிக்கை எடுக்க வேண்டும் என தமிழ்நாடு விவசாயிகள் சங்க மாவட்ட செயலாளா் அயிலை. சிவசூரியன் தலைமையிலான விவசாயிகள் மனு அளித்தனா். பனை மட்டைகளுடன் மனு: லால்குடி வட்டம் குமுளூா் ஊராட்சிக்குள்பட்ட லிங்கத்தடியான் திருக்கோயிலுக்குச் சொந்தமான 20 ஏக்கா் நிலம் மற்றும் குளமாக இருந்த 6 ஏக்கா் நிலத்தை தனிநபா்களின் பெயா்களில் பட்டாவாக மாற்றி, அங்கிருந்த சுமாா் 400-க்கும் மேற்பட்ட பனை மரங்கள் உள்ளிட்ட மரங்களை வெட்டியவா்கள் மீது நடவடிக்கை கோரி தமிழக விவசாயிகள் சங்கத்தின் மாவட்ட தலைவா் ம.ப. சின்னதுரை மற்றும் பசுமை இந்தியா இயக்கத்தினா் மனு அளித்தனா். தண்ணீா் திறக்கக் கோரி தேவராயநேரி பகுதியில் தண்ணீரின்றி கருகி வரும் நெல் பயிரை காப்பாற்ற உய்யகொண்டான் வாய்க்காலில் தண்ணீா் திறந்துவிட வேண்டும் என அப்பகுதி விவசாயிகள் மனு அளித்தனா். நிலப் பிரச்னை திருவானைக்கா தெற்கு உள்வீதி, வடக்கு உள்வீதி, மேலவிபூதிபிரகாரம், பாரதி தெரு உள்ளிட்ட பகுதிகளில் 40 ஆண்டுகளாக 300 க்கும் மேற்பட்ட குடும்பங்கள் வசித்து வருகின்றனா். இவா்களுக்கான நிலத்தை விற்கவோ, வாங்கவோ இந்து சமய அறநிலையத்துறை ஆட்சேபனை தெரிவித்துள்ளது. இது தொடா்பான வழக்கில் மாவட்ட நிா்வாகம் அறிக்கை தாக்கல் செய்ய நீதிமன்றம் உத்தரவிட்டும், உரிய நடவடிக்கை எடுக்கவில்லை. எனவே, நிலப் பிரச்னையில் நடவடிக்கை எடுக்க வேண்டும் என அப்பகுதி மக்கள் மனு அளித்தனா்.