மன்னிப்பு கேட்க நான் தயார். எதற்காக நான் மன்னிப்பு கேட்க வேண்டும் என்பதை கூறுங்கள்.
நான் 2 ஜியையே பார்த்தவன். இந்த விளையாட்டெல்லாம் என்னிடம் கூடாது. – திமுக எம்.பி ஆ.ராசா அண்மையில் நடைபெற்ற திமுக விழாவில் ஆவேசமாக பேசினார்.
திமுக சார்பில் நடைபெற்ற ஒரு விழாவில் பேசிய திமுக எம்.பி ஆ.ராசா பேசுகையில், ‘ நீ கிருஸ்தவனாக இல்லாமல் இருந்தால், இஸ்லாமியராக இல்லாது இருந்தால், பௌத்தனாக இல்லாது இருந்தால், இந்துவாக தான் இருக்க வேண்டும். இந்துவாக நீ இருந்தால் சூத்திரனாக தான் இருக்க வேண்டும். சூத்திரன் என்றால் விபசாரியின் மகன் என்று அர்த்தம். நீ விபச்சாரியின் மகனாக இருக்க போகிறாயா.?’ என ஆவேசமாக மனுஸ்மிருதி பற்றி கூறினார் எம்.பு ஆ.ராசா.
ஆ.ராசா கூறிய கருத்துக்களுக்கு பாஜக மற்றும் இந்து அமைப்பினர் மத்தியில் கடும் எதிர்ப்பு உருவாகி வருகிறது. இது குறித்து ஆ.ராசா மன்னிப்பு கேட்க வேண்டும் என்ற குரல்களும் வலுத்து வருகின்றன.
இதற்கு பதிலளிக்கும் விதமாக நேற்று சென்னையில் திமுக சார்பில் நடைபெற்ற கூட்டத்தில் பேசிய ஆ.ராசா, ‘ சங்கிகளுக்கு கோபம். மன்னிப்பு கேட்பது மனித மரபு. மன்னிப்பு கேட்க நான் தயார். எதற்காக மன்னிப்பு கேட்க வேண்டும் என்பதை தெளிவாக சொல்லு லூசு.ஒருவர் சரியாக விவாதம் வைத்தார். திருப்பதி நாராயணன் கருத்து கூறியது சரிதான். இந்து மதத்தில் ராசா கூறியது போல் இருந்த்து சரிதான். ஆனால், இப்போ அந்த இந்து மதம் இல்லை. அம்பேத்கர் இயற்றிய இந்து சட்டம் படி, அவை சரிசெய்யப்பட்டு விட்டது. அதன் படி பார்த்தல் ராசா கூறியது தவறு என கூறுகிறார். அதனை நான் ஏற்றுக்கொள்கிறேன்.
நான் 2ஜியையே பார்த்தவன். இந்த வேலையெல்லாம் என்கிட்ட கூடாது. பெரியார் திடலில் பேசினேன். அங்கு மனுஸ்மிருதி பற்றி கருத்து இருந்தது அதனால் அதனை பற்றி பேசினேன். இந்துக்களுக்கு நாங்களெல்லம் எதிரியா.?’ என ஆவேசமாக தனது எதிர்கருத்தை பேசினார் திமுக எம்.பி ஆ.ராசா.