குட்கா விற்ற வியாபாரி கைது..!

கோவை உக்கடம் போலீஸ் இன்ஸ்பெக்டர் ரமேஷ் கிருஷ்ணன்,சப் இன்ஸ்பெக்டர் செல்வராஜ் ஆகியோர் நேற்று மாலை உக்கடம் ஈஸ்வரன் கோவில் வீதியில் ரோந்து சுற்றி வந்தனர். அப்போது அங்குள்ள ஒரு பெட்டிக் கடையில் திடீர் சோதனை நடத்தினார்கள். அங்கு 300 பாக்கெட் குட்கா மறைத்து வைத்திருந்தது கண்டுபிடிக்கப்பட்டது. இதையடுத்து அந்த கடையை நடத்தி வந்த வியாபாரி ஜான் அபிலாஷ் (வயது 29) என்பவர் கைது செய்யப்பட்டார். குட்காவும், பணம் ரூ 1640 பறிமுதல் செய்யப்பட்டது . இவர் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார்..