பேன்சி ஸ்டோரில் தீ விபத்து – பொருட்கள் எரிந்து சேதம்..!

கோவை துடியலூர் அருகே உள்ள தொப்பம்பட்டியை சேர்ந்தவர் சைலேஷ்குமார் ( வயது 31) இவர் கோவை – மேட்டுப்பாளையம் ரோட்டில் உள்ள ஒரு வணிக வளாகத்தில்கடந்த 6 ஆண்டுகளாக பேன்சி ஸ்டோர் நடத்தி வருகிறார் .கடந்த 12-ந்தேதிஇரவில் கடையை பூட்டி விட்டு வீட்டுக்கு சென்று விட்டார்..அப்போது கடைக்கு அருகில் உள்ள ஓட்டல் அதிபர் மணி இவருக்கு போன் செய்து கடையில் இருந்து புகை வருவதாக கூறியுள்ளார்..வந்து பார்த்தபோது கடையில் உள்ள பொருட்கள் எல்லாம் எரிந்து சேதமடைந்து இருந்தது. சேதம் மதிப்பு ரூ 1லட்சத்து 80 ஆயிரம் இருக்கும்.தீ விபத்துக்கான காரணம் தெரியவில்லை இது குறித்து சைலேஷ்குமார் துடியலூர் போலீசில் புகார் செய்துள்ளார். சப் இன்ஸ்பெக்டர் மோகன் வழக்கு பதிவு செய்து விசாரணை நடத்தி வருகிறார்.