மின்சாரம் தாக்கி விவசாயி சாவு…

கோவை மாவட்டம் கோமங்கலம் பக்கம் உள்ள கோலார்பட்டி, நல்லாம் பள்ளியை சேர்ந்தவர் நடராஜ் ( வயது 63 ) விவசாயி. இவர் நேற்று அவரது தோட்டத்தில் தண்ணீர் தொட்டி அருகே முளைத்துள்ள செடிகளை சுத்தம் செய்து கொண்டிருந்தார். அப்போது திடீரென்று மின்சாரம் தாக்கி தூக்கி வீசப்பட்டார். அவரை சிகிச்சைக்காக அங்குள்ள அரசு மருத்துவமனை எடுத்துச் சென்றனர். வழியில் அவர் இறந்து விட்டார் .இது குறித்து அவரது மனைவி கமலாத்தாள் கோமங்கலம் போலீசில் புகார் செய்தார். போலீசார் வழக்கு பதிவு செய்து விசாரணை நடத்தி வருகிறார்கள்.