கோபி அருகே உள்ள கள்ளிப்பட்டியில் டி.என்.பாளையம் ஒன்றிய திமுக சார்பில் நடைபெற்ற சமத்துவ பொங்கல் விழா மற்றும் கலை நிகழ்ச்சி பொதுமக்களை வெகுவாக கவர்ந்த்து. தமிழகம் முழுவதும் கடந்த மூன்று நாட்களாக தமிழர் திருநாளான பொங்கல் பண்டிகை சிறப்பாக கொண்டாடப்பட்டு வரும் நிலையில், கோபி அருகே உள்ள கள்ளிப்பட்டியில் டி.என்.பாளையம் ஒன்றிய திமுக சார்பில் சமத்துவ பொங்கல் விழாவுடன் ஏராளமான கலை நிகழ்ச்சிகளும், தமிழர்களின் பாரம்பரிய விளையாட்டுகளும் நடைபெற்றது.
ஆண்கள் மற்றும் பெண்களுக்கான உரியடித்தல், இசை நாற்காலி, கயிறு இழுத்தல் போட்டிகளுடன் சிறுவர் சிறுமியருக்கான பல்வேறு விளையாட்டு போட்டிகள் நடைபெற்றது. அதைத்தொடர்ந்து சிலம்பம் உள்ளிட்ட பல்வேறு நிகழ்ச்சிகளுடன் சிறுவர், சிறுமியரின் கலை நிகழ்ச்சிகள் பார்வையாளர்களை வெகுவாக கவர்ந்தது. அதைத்தொடர்ந்து பல்வேறு போட்டிகளில் வெற்றி பெற்றவர்களுக்கு ஈரோடு வடக்கு மாவட்ட திமுக செயலாளர் என்.நல்லசிவம் பரிசு வழங்கினார். போட்டிகள் மற்றும் கலைநிகழ்ச்சிகளை டி.என்பாளையம் ஒன்றிய திமுக செயலாளர் எம்.சிவபாலன் செய்திருந்தார்