போதை மருந்து கடத்தல். கல்லூரி மாணவர்கள் 4 பேர் கைது.

கோவை குனியமுத்தூர் கிழக்கு சுகுணாபுரம் ரோட்டில் உள்ள ஒரு கல்லூரி அருகே குனியமுத்தூர் போலீஸ் இன்ஸ்பெக்டர் பாஸ்கரன்,சப் இன்ஸ்பெக்டர் மணிகண்டன் ஆகியோர் நேற்று மாலை வாகன சோதனை நடத்தினார்கள். அப்போது இருசக்கர வாகனத்தில்வந்த 4பேரை தடுத்து நிறுத்தி சோதனை செய்தனர். அவர்களிடம் உயர் ரக போதைபொருள்,கஞ்சா இருந்தது கண்டுபிடிக்கப்பட்டது.இதையடுத்து 4 பேரும் கைது செய்யப்பட்டனர். விசாரணையில் அவர்கள் தூத்துக்குடி மாவட்டம் எட்டையாபுரம் பக்கம் உள்ள ஆண்டாள் புரத்தை சேர்ந்த விஷ்வா ( வயது 20) தஞ்சாவூர் மாவட்டம் பட்டுக்கோட்டை பக்கம் உள்ள வாழவன் புரத்தைச் சேர்ந்த கபிலன் (வயது 20) கோவை இடையர்பாளையம், கோவில் மேடு. கிரி நகரை சேர்ந்த ஹைமந்த் (வயது 23) இராமநாதபுரம் மாவட்டம், கமுதியை சேர்ந்த சக்திவேல் ( வயது 22 )என்பது தெரிய வந்தது. இவர்களில்விஷ்வா கோவையில் உள்ள .தனியார் கல்லூரியில் பி.டெக், இரண்டாம் ஆண்டு படித்து வருகிறார் . கபிலன் 2-ம் ஆண்டு சிவில் இன்ஜினியரிங் படித்து வருகிறார். ஹைமந்த் சிவில் இன்ஜினியரிங் படித்து வருகிறார். சக்திவேல்பி.பி. ஏ படித்துக் கொண்டிருக்கும் போது படிப்பை பாதியில் நிறுத்திவிட்டார்.இவர்களிடமிருந்து கஞ்சா உயர்ரக போதைபொருள், பைக் ஆகியவை பறிமுதல் செய்யப்பட்டது.