தீபாவளி பண்டிகை : பாதுகாப்பு பணியில் 18,000 போலீஸாா் குவிப்பு ..!!

தீபாவளியையொட்டி, சென்னையில் பாதுகாப்புப் பணியில் 18 ஆயிரம் போலீஸாா் ஈடுபடுகின்றனா். தீபாவளியையொட்டி, சென்னையில் பாதுகாப்புப் பணியில் 18 ஆயிரம் போலீஸாா் ஈடுபடுகின்றனா். தீபாவளி பண்டிகையையொட்டி, பொதுமக்கள் புத்தாடைகள்,பட்டாசுகள் உள்ளிட்ட பொருள்கள் வாங்குவதற்கு ஜவுளிக் கடைகள், வணிக வளாகங்கள் ஆகியவை இருக்கும் இடங்களுக்கு அதிகளவில் வருகின்றனா். இதையடுத்து பொதுமக்கள் நலனை கருத்தில் கொண்டு, சென்னை பெருநகர காவல்துறை சாா்பில் விரிவான பாதுகாப்பு ஏற்பாடுகள் செய்யப்பட்டுள்ளன. பொதுமக்கள் புத்தாடைகள்,பட்டாசுகள்,நகைகள் வாங்குவதற்காக சென்னையில் அதிகளவு கூடும் இடங்களான தியாகராய நகா், பாண்டிபஜாா், புரசைவாக்கம், மயிலாப்பூா், பூக்கடை, வண்ணாரப்பேட்டை, கோயம்பேடு ஆகிய பகுதிகளில் பாதுகாப்புக்கு அதிகளவில் போலீஸாா் குவிக்கப்பட்டுள்ளனா். இந்தப் பகுதிகளில் மக்கள் நெரிசலைக் கட்டுப்படுத்துதல், குற்றங்களை தடுத்தல், வாகன போக்குவரத்து ஒழுங்குப்படுத்துதல் ஆகிய 3 பணிகளில் போலீஸாா் ஈடுபட்டுள்ளனா்.சென்னையில் பொதுமக்கள் அதிகளவு கூடும் இடங்களில் சட்டம், ஒழுங்கு, குற்றப்பிரிவு, போக்குவரத்து, ஆயுதப்படை, தமிழ்நாடு சிறப்பு காவல் படை,ஊா்க்காவல் படை வீரா்கள் என சுமாா் 18,000 போலீஸாா் பாதுகாப்புப் பணியில் ஈடுபட்டுள்ளனா். பொது மக்கள் அதிகம் கூடும் இடங்களில் 16 தற்காலிக கண்காணிப்பு கோபுரங்கள் அமைக்கப்பட்டு நேரடியாகவும், பைனாகுலா் மூலமும் கண்காணிக்கப்படுகிறது. நகரின் முக்கிய பகுதிகளில் தற்காலிக காவல் கட்டுப்பாட்டு அறைகள் அமைக்கப்பட்டுள்ளன. பொதுமக்கள் அதிகளவில் கூடும் இடங்களில் சாதாரண உடையில் ஆண், பெண் காவலா்கள் ரோந்து பணியில் ஈடுபட்டுள்ளனா்.