பணம் கேட்டு டாஸ்மாக் பார் ஊழியருக்கு கொலை மிரட்டல். வாலிபர் கைது .

கோவை: திருச்சி மாவட்டம் மணப்பாறை, காடு மலையைச் சேர்ந்தவர் ராஜேந்திரன் (வயது 58 )குனியமுத்தூரில் உள்ள டாஸ்மாக் பாரில் வேலை செய்து வருகிறார். நேற்று இவர் பாரில் இருந்த போது 2 பேர் மது அருந்த வந்தனர். மதுபாட்டில் கேட்டனர். ராஜேந்திரன் அதற்கான பணத்தை தருமாறு கூறினார். பணம் இல்லை என்று கூறினார்கள். பணம் இல்லை என்றால் மது பாட்டில் தர முடியாது என்று ராஜேந்திரன் சொன்னார். இதனால் ஆத்திரமடைந்த அந்த 2பேரும்பீர் பாட்டிலை எடுத்து ராஜேந்திரனுக்கு கொலை மிரட்டல் விடுத்தனர். பின்னர் அவரிடம் இருந்து 400 ரூபாயை பறித்துக் கொண்டு தப்பி ஓடிவிட்டனர். இது குறித்து குனியமுத்தூர் போலீசில் புகார் செய்யப்பட்டது. போலீசார் வழக்கு பதிவு செய்து குனியமுத்தூர் பைசல் ரகுமான் (வயது 26) என்பவரை கைது செய்தனர் .அஜ்மல் என்பவரை தேடி வருகிறார்கள்.