கிரிக்கெட் மட்டையால் தாக்கி கல்லூரி மாணவர் படுகாயம்.. 4 மாணவர்கள் மீது புகார்.

கோவை டாடாபாத் சிவானந்தா காலனி 3 – வது வீதியைச் சேர்ந்தவர் செந்தில் குமார் . இவரது மகன் ஸ்ரீ அய்யப்பன் (வயது 23 பீளமேட்டில் உள்ள தனியார் கல்லூரியில் எம். ஐ. பி. இரண்டாம் ஆண்டு படித்து வருகிறார். இவர் கடந்த 2ஆம் தேதி பெங்களூருக்கு தனது சக மாணவர்களுடன்கல்வி சுற்றுலா சென்றிருந்தார். அங்கு வைத்து அதே கல்லூரியில் படிக்கும் ஆனந்த் உட்பட 4 மாணவர்கள் கல்வி சுற்றுலாவுக்கு வந்திருந்த மீனாட்சி, காவியா ஆகியோருக்கு தொந்தரவு செய்தார்களாம் இதுகுறித்து மாணவர் ஸ்ரீ அய்யப்பன் கல்லூரி நிர்வாகத்துக்கு தகவல் கொடுத்தார். இதன் பேரில் கல்லூரி நிர்வாகம் மாணவர் ஆனந்த் உட்பட 4பேரை சஸ்பெண்ட் செய்தது. இதனால் ஆத்திரமடைந்த ஆனந்த் உட்பட 4 பேர் சேர்ந்துநேற்று கல்லூரி முன் நின்று கொண்டிருந்த ஸ்ரீ அய்யப்பனை கிரிக்கெட் மட்டையால் தாக்கினார்களாம் பின்னர் அவருக்கு கொலை மிரட்டல் விடுத்து விட்டு தப்பி ஓடிவிட்டனர் இதுகுறித்து ஸ்ரீ அய்யப்பன் பீளமேடு போலீசில் புகார் செய்தார். இன்ஸ் பெக்டர் கந்தசாமி ,சப் இன்ஸ்பெக்டர் மீனாட்சி சுந்தரம் ஆகியோர்வழக்கு பதிவு செய்து ஆனந்த் உட்பட 4 மாணவர்களை தேடி வருகிறார்கள். இவர்கள் மீது 3 பிரிவின் கீழ் வழக்கு பதிவு செய்யப்பட்டுள்ளது.