சாலை விபத்தில் கோவை கல்லூரி மாணவர் பரிதாப பலி..

நாமக்கல் மாவட்டம் ராமநாயக்கன்பட்டி, வடக்கு தோட்டத்தைச் சேர்ந்தவர் சின்னதுரை. விவசாயி. இவரது மகன் கார்த்திக் ராஜா ( வயது 19) கோவை உள்ள ஒரு தனியார் கல்லூரியில் படித்து வந்தார். இவர் நேற்று கொச்சி -சேலம் பைபாஸ் ரோட்டில் பைக்கில் சென்று கொண்டிருந்தார். பட்டணம் அருகே சென்றபோது அந்த வழியாகச் சென்ற ஏதோ ஒரு 4 சக்கர வாகனம் இவரது பைக் மீது மோதி விட்டு நிற்காமல் சென்று விட்டது. இதில் கார்த்திக் ராஜா படுகாயம் அடைந்தார். அவரை சிகிச்சைக்காக ஆம்புலன்ஸ் மூலம் அரசு மருத்துவமனைக்கு அனுப்பி வைத்தனர். வழியில் அவர் இறந்துவிட்டார். இது குறித்து அவரது தந்தை சின்னதுரை சூலூர் போலீசில் புகார் செய்தார். இன்ஸ்பெக்டர் மாதையன் வழக்கு பதிவு செய்து விசாரணை நடத்தி வருகிறார்.