கோவை விமான நிலையத்தில் சி.ஐ. எஸ். எப். காவலர் துப்பாக்கியால் சுட்டு தற்கொலை. ஆன்லைன் சூதாட்டத்தில் பணத்தை இழந்ததால் சோகம்

கோவை பீளமேட்டில் உள்ள சர்வதேச விமான நிலையத்தில் மத்திய தொழில் பாதுகாப்பு படை (சி.ஐ.எஸ். எப்)போலீசார் பாதுகாப்பு பணியை மேற்கொண்டுள்ளனர் இங்கு ஆந்திர மாநிலத்தைச் சேர்ந்த சகார்தர் ( வயது 34)என்பவர் போலீசாக வேலை பார்த்து வருகிறார். இவர் இன்று காலையில் பணியில் இருந்த போது பாத்ரூமில் வைத்துதிடீரென்று ஏ.கே.47 ரக துப்பாக்கியால் தன்னை தானே சுட்டுக் கொண்டார். இதில் குண்டு பாய்ந்து ரத்த வெள்ளத்தில் பிணமானார் இவர் ஆன்லைன் சூதாட்டத்தில்அதிக பணத்தை இழந்ததால் மனம் உடைந்து தற்கொலை செய்து கொண்டதாக கூறப்படுகிறது. இதுகுறித்து பீளமேடு போலீசில் புகார் செய்யப்பட்டது. இன்ஸ்பெக்டர் ராஜ்குமார் சம்பவ இடத்திற்கு நேரில் சென்றுவிசாரணை நடத்தினார். அவரது உடல் பிரேத பரிசோதனைக்காக கோவைஅரசு மருத்துவமனைக்கு அனுப்பி வைக்கப்பட்டுள்ளது. இது தொடர்பாக வழக்கு பதிவு செய்யப்பட்டுள்ளது. இவர் 16 – 6 – 22 முதல்கோவையில் பணிபுரிந்து வருகிறார். விமான நிலையம் அருகில் உள்ள பூங்கா நகரில் வசித்து வந்தார் இவருக்குமனைவியும் 2 மகன்களும் உள்ளனர். இன்று காலை 5 – 30 மணிக்கு பணிக்கு சென்றவர் 9-05மணிக்கு துப்பாக்கி சுட்டு தற்கொலை செய்து கொண்டார். ஆன்லைன் சூதாட்டத்தில் மத்திய போலீசார் ஒருவர் துப்பாக்கியால் சுட்டு தற்கொலை செய்து கொண்ட சம்பவம் பெரும் பரபரப்பு ஏற்படுத்தி உள்ளது.