கோவை டாஸ்மாக் கடை அருகே சீட்டாட்டம் – 9 பேர் கைது..!

கோவை ஆர். எஸ். புரம், டி.பி. ரோட்டில் உள்ள ஒரு டாஸ்மாக் கடை அருகே பணம் வைத்து சீட்டு விளையாடுவதாக ஆர். எஸ். புரம் போலீசுக்கு நேற்று மாலை தகவல் வந்தது .இன்ஸ்பெக்டர் காசி பாண்டியன், சப் இன்ஸ்பெக்டர் பாஸ்கரன் ஆகியோர் திடீர் சோதனை நடத்தினார்கள். அப்போது அங்கு பணம் வைத்து சீட்டு விளையாடியதாக பூ மார்க்கெட் பகுதியைச் சேர்ந்த மணிவண்ணன் ( வயது 60) லைட் ஹவுஸ் ரோடு சங்கர் (வயது 56 )பி .என். புதூர் பாண்டியன் ( வயது 35) சீரநாயக்கன்பாளையம் பாபு (வயது 44) பிரபாகரன் ( வயது 40) வன்னியம்பாளையம் ரகு (வயது 49) லிங்கப்ப செட்டி வீதி குமார் (வயது 53)வீர கேரளம் சங்கிலி துரை (வயது 38) சிறுநாயக்கன்பாளையம் சண்முக ஆனந்த் ( வயது 48)ஆகியோர் கைது செய்யப்பட்டனர்.. சீட்டு விளையாட பயன்படுத்தப்பட்ட ரூ.19,700 பறிமுதல் செய்யப்பட்டது.