கோவை தொழிற்சாலையின் கூரையை உடைத்து பணம் திருட்டு – மர்ம நபர்கள் கைவரிசை..!

கோவை பாரதியார் ரோட்டில் உள்ள ஒரு அப்பார்ட்மெண்டில் வசிப்பவர் ராஜேந்திரன் ( வயது 52) இவர் பாப்பநாயக்கன்பாளையம் நியூஸ் ஸ்கீம் ரோட்டில் கிரைண்டர் கம்பெனி நடத்தி வருகிறார்.நேற்று முன்தினம் இரவில் யாரோ மர்ம ஆசாமிகள் தொழிற்சாலையின் மேற் கூரையை உடைத்து உள்ளே புகுந்து அங்கிருந்த 4மிக்சி, 2 மின்விசிறி ,பணம் ரூ 6,500 ஆகியவற்றை திருடி சென்று விட்டனர். இது குறித்து அதன் உரிமையாளர் ராஜேந்திரன் ரேஸ்கோர்ஸ் போலீசில் புகார் செய்தார் .போலீசார் வழக்கு பதிவு செய்து விசாரணை நடத்தி வருகிறார்கள்..