பைக் -ஸ்கூட்டர் மோதல் ஒருவர் சாவு

கோவை சுந்தராபுரம் சிட்கோ குறிச்சி ஹவுசிங் யூனிட் பேஸ்- 2 பகுதியைச் சேர்ந்தவர் பிரகாஷ் ( வயது 40) இவர் நேற்று மதுக்கரை மார்க்கெட் ரோட்டில் பைக்கில்சென்று கொண்டிருந்தார். அப்போது அந்த வழியாக வந்த ஒரு ஸ்கூட்டர் இவரது பைக்மீது மோதியது. இதில் பைக் ஓட்டி வந்த பிரகாஷ் ( வயது 40 ஸ்கூட்டர் ஓட்டிவந்த பிரவீன் முத்து (வயது 20)ஆகியோர் படுகாயம் அடைந்தனர். சிகிச்சைக்காக கோவை அரசு மருத்துவமனைக்கு எடுத்து செல்லப்பட்டனர் வழியில் பிரகாஷ் பரிதாபமாக இறந்தார். இதுகுறித்து கோவை மேற்கு பகுதி போக்குவரத்துபுலனாய்வு போலீசில் புகார் செய்யப்பட்டது. இன்ஸ்பெக்டர் ராஜ்குமார் சம்பவ இடத்திற்கு விரைந்து சென்று விசாரணை நடத்தினார் .இது தொடர்பாக லைசென்ஸ் இல்லாமல் ஸ்கூட்டர் ஓட்டி வந்த மதுக்கரை பிள்ளையார்புரம் பகுதியைச் சேர்ந்த பிரவீன் முத்து (வயது 20) என்பவர் மீது வழக்கு பதிவு செய்யப்பட்டுள்ளது.