கோவிலுக்கு சென்ற பெண்ணிடம் கத்தியை காட்டி மிரட்டி நகை பறிக்க முயற்சி – 2 பேர் கைது..!

கோவை பூ மார்க்கெட் தேவாங்கர் பேட்டை வீதியை சேர்ந்தவர் கிருஷ்ணமூர்த்தி இவரது மனைவி விஜயலட்சுமி ( வயது 46)இவர் சுக்கிரவார்பேட்டையில் உள்ள ஒரு துணிக்கடையில் ஊழியராக வேலை பார்த்து வருகிறார். நேற்று ஆர் .எஸ். புரம் தெப்பக்குளம் பகுதியில் உள்ள தண்டு மாரியம்மன் கோவிலுக்கு சாமி கும்பிட சென்றார் .அப்போது அங்கு நின்று கொண்டிருந்த 2 பேர் இவரிடம் கத்தியை  காட்டி மிரட்டி நகை பறிக்க முயன்றனர். உடனே விஜயலட்சுமி சத்தம் போட்டார். அங்கிருந்தவர்கள் ஓடி வந்து அவர்களை பிடிக்க முயன்றனர் . அதற்குள் இருவரும் இருசக்கர வாகனத்தில் தப்பி ஓடிவிட்டனர். இதுகுறித்து விஜயலட்சுமி ஆர். எஸ். புரம் போலீசில் புகார் செய்தார் . உதவி போலீஸ் கமிஷனர் ரவிக்குமார், இன்ஸ்பெக்டர் காசி பாண்டியன் ஆகியோர் வழக்கு பதிவு செய்து காந்திபுரம் முதல் வீதியைச் சேர்ந்த சேகர் என்ற குணசேகர் ( வயது 26) ரத்தினபுரி சாஸ்திரி நகரைச் சேர்ந்த சின்னு ( வயது 23) ஆகியோரை  நேற்று கைது செய்தனர். இவர்கள் மீது கொலை மிரட்டல், வழிப்பறி உட்பட 3 பிரிவின் கீழ் வழக்கு பதிவு செய்யப்பட்டுள்ளது.