பாஜக மாவட்ட தலைவர் மாமல்லன் உடலுக்கு அண்ணாமலை அஞ்சலி..!

சிதம்பரம்-பா.ஜ., கடலுார் மேற்கு மாவட்ட தலைவர் மாமல்லன் உடலுக்கு மாநில தலைவர் அண்ணாமலை உட்பட பல்வேறு கட்சியினர் அஞ்சலி செலுத்தினர்.சிதம்பரம் அடுத்த கடவாச்சேரியை சேர்ந்தவர் மாமல்லன். பா.ஜ., கடலுார் மேற்கு மாவட்ட தலைவரான இவர், நேற்று முன்தினம் மாரடைப்பால் இறந்தார்.அவரது உடலுக்கு பல்வேறு கட்சியினர் அஞ்சலி செலுத்தினர். பா.ஜ., மாநில தலைவர் அண்ணாமலை, மாநில அமைப்பு பொது செயலாளர் கேசவவிநாயகம், மாநில செயலாளர் வினோஜ் செல்வம், மாநில பொது செயலாளர் கருப்பு முருகானந்தம், மாநில விவசாய அணி செயலாளர் பாலமுருகன், மாநில செயற்குழு உறுப்பினர்கள் ராஜரத்தினம், தாமரை மணிகண்டன், மாநில பொதுக்குழு உறுப்பினர் கனகசபை, மாவட்ட தலைவர்கள் அகோரம், அய்யப்பன், மணிகண்டன், ராஜேந்திரன், சிதம்பரம் எம்.எல்.ஏ., பாண்டியன், பா.ஜ., சிதம்பரம் நகர தலைவர் ஜெயக்குமார், அகஸ்தியம் பவுண்டேஷன் நிறுவனர் ஈஸ்வர் ராஜலிங்கம், வி.சி., தலைவர் திருமாவளவன், குமராட்சி ஊராட்சி தலைவர் தமிழ்வாணன், நாதன், பழனிராஜா, முன்னாள் மாவட்ட தலைவர் இளஞ்செழியன், கடலுார் துணை மேயர் தாமரைசெல்வன், பா.ம.க., தேவதாஸ் படையாண்டவர், சஞ்சீவி, இன்ஜினியர் குமார், அ.தி.மு.க., முன்னாள் மாவட்ட செயலாளர் மாரிமுத்து, பா.ஜ., துரை ராமலிங்கம் உள்ளிட்டோர் அஞ்சலி செலுத்தினர்.