ஒரே நாளில் நடந்த சாலை விபத்தில் முதியவர் – மூதாட்டி பலி .

கோவை உக்கடம் – சுங்கம் பைபாஸ் ரோட்டில் உள்ளபஸ் நிலையம் எதிர்புறம்நேற்று ரோட்டை கடந்த ஒருவர் மீது அந்த வழியாக வந்த வேன் மோதியது. இதில் அவர் படுகாயம் அடைந்தார். அவரை சிகிச்சைக்காக அரசு மருத்துவமனைக்கு எடுத்துச் சென்றனர். அங்கு சிகிச்சை அளித்தும் பலன் அளிக்காமல் இறந்தார். விசாரணையில் அவரது பெயர் நாச்சிமுத்து ( வயது 80) என்பது தெரிய வந்தது. இதேபோல வடவள்ளி,எம்.ஜி.ஆர் வீதியைச் சேர்ந்தவர் பாப்பண்ணன் இவரது மனைவி அம்மணி அம்மாள் ( வயது 90) இவர் நேற்று வடவள்ளி ஆலமரம் பஸ் ஸ்டாப் ரோட்டில் நடந்து சென்றார். அப்போது அந்த வழியாக வந்த மினி லாரி அவர் மீது மோதியது இதில் படுகாயம் அடைந்து அதே இடத்தில் இறந்தார். இது குறித்து மேற்கு பகுதி போக்குவரத்து புலனாய்வு போலீசில் புகார் செய்யப்பட்டது. போலீசார் சம்பவ இடத்துக்கு சென்று விசாரணை நடத்தினார்கள்.இது தொடர்பாக இக்கரை போளுவாம்பட்டியை சேர்ந்த சேர்ந்த மினி லாரி டிரைவர் மருதுவேல் ( வயது 58) என்பவர் மீது வழக்கு பதிவு செய்யப்பட்டுள்ளது.