கோவை பாராளுமன்ற தொகுதியில் பாஜக வேட்பாளராக அண்ணாமலை போட்டியிடுகிறார். இவரை ஆதரித்து தேர்தல் பிரச்சாரம் செய்வதற்காக நடிகர் சரத்குமார் இன்று காலையில் விருதுநகரில் இருந்து கோவை வந்தார். கோவை கணபதி மணியக்காரன் பாளையத்தில் திறந்த வேனில் நின்று பாஜக வேட்பாளர் அண்ணாமலை ஆதரித்து தேர்தல் பிரசாரம் செய்தார். முன்னதாக அங்குள்ள அம்பேத்கர் திரு உருவப்படத்துக்கு இருவரும் மாலை அணிவித்தனர். பின்னர் அங்கிருந்து வேடப்பட்டி பக்கம் உள்ள பூசாரிபாளையத்துக்கு சென்றார் அங்கு வேட்பாளர் அண்ணாமலைய ஆதரித்து பிரசாரம் செய்தார். வேட்பாளர் அண்ணாமலைக்கு பெண்கள் ஆரத்தி எடுத்து வரவேற்றனர். மேளதாளத்துடன் வேட்பாளர் அண்ணாமலைக்கும், நடிகர் சரத்குமாருக்கும் வரவேற்பு கொடுக்கப்பட்டது.