இருசக்கர வாகனம் மோதி சாலையில் நடந்து சென்ற பெண் பலி..

கோவை: பொள்ளாச்சி- உடுமலை ரோட்டில் உள்ள எல்.ஐ.ஜி காலனியை சேர்ந்தவர் சுரேந்திரன்.தச்சு தொழிலாளி.இவரது மனைவி கனகம் ( வயது 42)இவர் நேற்று பொள்ளாச்சி- உடுமலை ரோட்டில் உள்ள டீச்சர்ஸ் காலனி பஸ் ஸ்டாப் அருகே நடந்து சென்றார். அப்போது அந்த வழியாக வேகமாக வந்த ஒரு பைக் அவர் மீது மோதியது. இதில் கனகம் படுகாயம் அடைந்தார்.அவரை சிகிச்சைக்காக பொள்ளாச்சி அரசு மருத்துவமனைக்கு கொண்டு செல்லும் வழியில் இறந்தார் .இது குறித்து அவரது கணவர் சுரேந்திரன் பொள்ளாச்சி கிழக்கு பகுதி போலீசில் புகார் செய்தார். இன்ஸ்பெக்டர் ஆனந்தகுமார் சம்பவ இடத்துக்கு சென்று விசாரணை நடத்தினார். பைக் ஓட்டி வந்த ஸ்ரீஹரி மீது வழக்கு பதிவு செய்துள்ளார் .மேலும் விசாரணை நடந்து வருகிறது.