பைக் மீது கார் மோதி தனியார் நிறுவன ஊழியர் பரிதாப பலி..

கோவை மாவட்டம் பொள்ளாச்சி சூளேஸ்வரன் பட்டிபக்கம் ஊத்துக்காடு பகுதியை சேர்ந்தவர் லோகநாதன் ( வயது 35) எல் அண்ட் டி நிறுவனத்தில் சூப்பர்வைசராக வேலை பார்த்து வந்தார். இவர் நேற்று கோவை- பொள்ளாச்சி ரோட்டில் பைக்கில் சென்று கொண்டிருந்தார். கிணத்துக்கடவு அருகே சென்றபோது அந்த வழியாக வந்த ஒரு கார் இவரது பைக் மீது மோதியது .இதில் லோகநாதன் படுகாயம் அடைந்தார்.அவரை சிகிச்சைக்காக பொள்ளாச்சி அரசு மருத்துவமனைக்கு எடுத்துச் சென்றனர். வழியில் அவர் இறந்துவிட்டார். இது குறித்து கிணத்துக்கடவு போலீசில் புகார் செய்யப்பட்டது. இன்ஸ்பெக்டர் செந்தில்குமார் சம்பவ இடத்துக்கு விரைந்து சென்று விசாரணை நடத்தினார். கார் ஓட்டி வந்த பொள்ளாச்சியை சேர்ந்த கவுதம் (வயது 26) மீது வழக்கு பதிவு செய்யப்பட்டுள்ளது.