ஓடும் பஸ்சில் வியாபாரியிடம் பணம் திருடியவர் கைது…

கோவைசெல்வபுரம் அரசமரம் பஸ் ஸ்டாப் பகுதியைச் சேர்ந்தவர் விஜயன் ( வயது 52 )இவர் உக்கடம்காய்கறி மார்க்கெட்டில் பழ வியாபாரம் செய்து வருகிறார். நேற்று இவர் உக்கடத்திலிருந்து செல்வபுரத்துக்கு டவுன் பஸ்சில் கொண்டிருந்தார்.அப்போது இவரது சட்டை பையில் இருந்த 500 ரூபாயை ஒரு ஆசாமி நைசாக திருடினான்.. அவனை விஜயன், சக பயணிகள் உதவியுடன் கையும் களவுமாக பிடித்து உக்கடம் போலீசில் ஒப்படைத்தார். போலீசார் அவனை கைது செய்தனர்.. விசாரணையில் அவன் ராமநாதபுரம் மாவட்டம், கமுதி பகுதியைச் சேர்ந்த வெற்றிவேல் முருகன் ( வயது 21) என்பது தெரிய வந்தது. இவன் மீது ஏற்கனவே கோவையில் பல்வேறு திருட்டு வழக்குகள் உள்ளன.இவனிடமிருந்து பணம் பறிமுதல் செய்யப்பட்டது. நீதிமன்றத்தில் ஆஜர்ப்படுத்தப்பட்டு சிறையில் அடைக்கப்பட்டார்.