சத்தியமங்கலம் வனப்பகுதியில் குட்டி யானை பலி… பிரேத பரிசோதனைக்கு பின் இறப்புக்கான காரணம் தெரிய வரும் – வனத்துறையினர் தகவல்.!!

ஈரோடு மாவட்டம் சத்தியமங்கலம் புலிகள் காப்பகத்திற்கு உட்பட்ட சத்தியமங்கலம் வனச்சரகம், பீக்கிரிபாளையம் வனப்பகுதியில் உள்ள உகினியம் மலை கிராமம் அருகே சத்தியமங்கலம் வனத்துறையினர் வனப்பகுதியில் ரோந்து பணி மேற்கொண்டனர். அப்போது வனப்பகுதியில் சுமார் இரண்டு வயது மதிக்கத்தக்க குட்டியானை இறந்து கிடந்ததை கண்டு அதிர்ச்சி அடைந்தனர். இது குறித்து உடனடியாக வனத்துறை உயர் அதிகாரிகளுக்கு தகவல் தெரிவித்தனர். இறந்த குட்டி யானையின் உடலை உடற்கூராய்வு செய்யும் பணி இன்று செவ்வாய்க்கிழமை நடைபெறும் எனவும், இதைத் தொடர்ந்து யானையின் இறப்புக்கான காரணம் தெரிய வரும் என வனத்துறையினர் தெரிவித்துள்ளனர்.