சட்டை பாக்கெட் இருந்து அலேக்காக செல்போனை திருடிய வடமாநில வாலிபர் கைது..!

கோவை போத்தனூர் ரோடு மதுக்கரை மார்க்கெட் பகுதியை சேர்ந்தவர் ராஜன் ( வயது 43 )இவர் நேற்று உக்கடம் லாரி பேட்டை பகுதியில் உள்ள ஒரு பழக்கடையில் பழங்கள் வாங்கிக் கொண்டிருந்தார் .அப்போது இவரது சட்டை பையில் இருந்த ரூ1லட்சம் மதிப்புள்ள ஆப்பிள் செல்போனை ஒரு ஆசாமி நைசாக திருடி கொண்டு ஓட்டம் பிடித்தார். இதை பார்த்த ராஜன் சத்தம் போட்டார். அக்கம் பக்கம் உள்ளவர்கள் உதவியுடன் அந்த ஆசாமியை மடக்கி பிடித்து பிடித்தார். பின்னர் கடைவீதி காவல்நிலையத்தில் ஒப்படைக்கப்பட்டார்.போலீசார் அவரை கைது செய்தனர். விசாரணையில் அவர் ஜார்கண்ட் மாநிலத்தைச் சேர்ந்த சமீர் குமார் (வயது 47) என்பது தெரிய வந்தது .அவரிடம் இருந்து செல்போன் பறிமுதல் செய்யப்பட்டது.,மேலும் விசாரணை நடந்து வருகிறது..