கோவை குனியமுத்தூர் பி. கே புதூர், ஸ்ரீநகர் காலனி சேர்ந்தவர் ஈஸ்வரன் இவரது மனைவி பிரேமா ( வயது 56) இவர் நேற்று அங்குள்ள குளத்துப்பாளையம் ரோட்டில் நடந்து சென்றார்.அப்போது அந்த வழியாகஇரு சக்கர வாகனத்தில் வந்த ஒரு ஆசாமிஅவரது கழுத்தில் கிடந்த ஒரு பவுன் தங்கச் செயினை பறித்துக் கொண்டு தப்பி ஓடிவிட்டார்.இது குறித்து குனியமுத்தூர் போலீஸ் பிரேமா புகார் செய்தார்.போலீசார் வழக்கு பதிவு செய்த விசாரணை நடத்தி வருகிறார்கள்.
இதே போல கோவை அருகே உள்ள இருகூர் ,மகாகவி நகரை சேர்ந்தவர் வேலுசாமி, இவரது மனைவி ராதா மணி (வயது 65) இவர் நேற்று அவரது வீட்டின் முன் சுத்தம் செய்து கொண்டிருந்தார் .அப்போது அந்த வழியாக வந்த ஒரு ஆசாமி அவரிடம் சென்று முகவரி கேட்பது போல நடித்து அவரது கழுத்தில் கிடந்த 4 பவுன் தங்கச் செயினை பறித்துகொண்டு தப்பி ஓடிவிட்டார். இது குறித்த ராதா மணி சிங்காநல்லூர் போலீசில் புகார் செய்தார்.சப் இன்ஸ்பெக்டர் செல்வகுமார் வழக்கு பதிவு செய்து விசாரணை நடத்தி வருகிறார்..